Sahi Tareeka pe humari koshish ye rahegi ki hum aap tak apne saare kisse, apne saare khayal sahi tareeke se pahuncha sake. Isiliye humne ye socha hai ki hum ye content Hinglish me likhenge, taaki bhasha ki koi majboori humein humari baat ko sahi tareeke se kehne se roke na. Aur is tarah se shayad hum zyada se zyada aur alag se alag logo tak pahunch bhi paaye. Hum nahi chahte ki hum kisi ek language pe atke ya kewal ek type ke logo ke liye likhe kyunki usse na hi humare content ka dayara chhota hoga balki humari soch ka bhi. Dil aur dimag khule ho aur soch bhi na ho simti, shayad yehi hai sahi tareeka…zindagi jeene ka!!